മൗനം സംസാരിക്കുന്നു

വാക്കുകളേക്കാള്‍ സുഖകരമായ മൗനങ്ങളുണ്ട്.

ഓര്‍മ്മകളേക്കാള്‍ സൗന്ദര്യമുള്ള മറവികളെപ്പോലെ,
കവിതയേക്കാള്‍ ഇമ്പമാര്‍ന്ന സംഗീതം പോലെ,

അവ ചിലപ്പോ ഹൃദയത്തില്‍ വന്ന് മുട്ടും;
വാതില്‍ തുറക്കാതെ തന്നെ അകത്ത് കയറും.
പിന്നെ ഇറങ്ങിപ്പോവുകയേ ഇല്ല!

നിനക്ക്

നിനക്കാണെഴുതുന്നതെന്ന്
മനസിലാവുമ്പോള്‍,
പേനയില്‍ അക്ഷരങ്ങള്‍
സ്വയം വന്നു നിറയുന്നു!

കടല്‍ തേടിയൊഴുകുന്ന
അക്ഷരങ്ങളുടെ പുഴയായ്
ഓര്‍മ്മകള്‍, സ്വപ്നങ്ങളും!
നിനക്കെന്ന്, നിന്നിലേക്കെന്ന്..