ദല മർമ്മരം

കണ്ടുവോ, കരിഞ്ഞ ഒരില
ഇന്നലെ നീ മറിച്ചുപോയ താളുകള്‍ക്കിടയില്‍ ?
കേട്ടുവോ, ജലം മറന്ന സിരകളില്‍
ഒരു മരത്തിന്റെ പ്രാര്‍ത്ഥന!
അറിഞ്ഞുവോ, നനവ് തേടിയലയുന്ന
വേരുകള്‍ തന്‍ നൊമ്പരം?

അതെന്റെ ഹൃദയത്തിന്റേതായിരുന്നു

-----------

എല്ലാ മരങ്ങളും തേങ്ങാറുണ്ടാവും.. കൊഴിഞ്ഞ് വീഴുന്ന ദല മര്‍മ്മരങ്ങളായി, വേരുപിടിച്ചിറങ്ങുന്ന തേങ്ങലുകളായി അവ ഭൂമിയെ ചുട്ടു പൊള്ളിക്കുന്നുണ്ടാവും..

off: ‘ഓർമ്മത്തെറ്റുകളി’ലൊന്നിനെ ഇങ്ങോട്ട് ഇറക്കി വച്ചു