ഞാന്‍ ..??

ഞാനാരാണ്?

എനിക്കറിയില്ല.
രാത്രിയുടെ അന്ധകാരങ്ങളി‍ല്‍
കൂട്ട്  പിടിച്ച മുത്തശിയ്ക്കും,
കരുത്തുറ്റ കൈകളാലെന്നെ-

തല്ലിച്ചതച്ച അച്ഛനും,

കണ്ണുനീര്‍ തുള്ളികളില്‍

സാന്ത്വനമൊളിപ്പിച്ച അമ്മയ്ക്കും,

ബാല്യത്തിലെന്‍‍ കളിപ്പാട്ടങ്ങള്‍‍
തട്ടിപ്പറിച്ച ഊടപ്പിറപ്പിനും,
സ്നേഹത്തിന്‍ വിരിമാറു കാണി ച്ചെന്നെ-

കബളിപ്പിച്ചയോരോ സുഹൃത്തിനും,

പ്രണയത്തിന്‍‍ സായാഹ്നങ്ങളിലെപ്പൊഴോയെന്നെ-

ത്തനിച്ചാക്കി കടന്നു കളഞ്ഞ പ്രിയപ്പെട്ടവള്‍‍ക്കും,

ചോദ്യശരങ്ങളാലെന്നെ- 

വീഴ്ത്തിയ ഗുരുവിനും,

ശത്രുവായ് മുദ്ര കുത്തിയെന്നെ-

പ്പുറത്താക്കിയ സ്വന്തം പ്രസ്ഥാനത്തിനും,

ഉത്തരമില്ല.
ഒടുവില്‍‍, ഒരു ചോദ്യചിഹ്നമായ്
ഞാനിന്നും അവശേഷിക്കുന്നു..