Aug 21, 2011

സ്വത്വം കളഞ്ഞു പോയ ‘പെൺ’ഡുലങ്ങൾ


നിനക്ക്,നിന്റെ പോക്കു വരവുകളെ
അടയാളപ്പെടുത്തുന്നൊരു
പെൻഡുലം മാത്രമാകുന്നു ഞാൻ!

 
എന്റെ മൗനത്തിന്റെ കാണക്കയങ്ങളിൽ
കല്ലെറിഞ്ഞലകൾ തീർക്കുന്നത് പോലും
നിന്റെ ശബ്ദവീചികളെ കണ്ടെത്താനല്ലാതെ മറ്റെന്തിനാണ്‌?



ജീവിതത്തിന്റെ അർത്ഥമെന്നു പറഞ്ഞു
നല്കിയ ചരടിനു, സ്വത്വമില്ലായ്മയെന്ന-
യർത്ഥം കൂടിയുണ്ടായിരുന്നോ??


നെറുകയിൽ നിങ്ങൾ ആശംസിച്ചൊരോ
അരിമണിയും വെന്തചോറിന്റെ
ശാപം പേറിയിരുന്നുവോ??


എത്ര ജീവിച്ചാലും ചില ജീവികൾക്ക് (ജീവിതങ്ങൾക്ക്)
അതിജീവനത്തിന്റെ പുസ്തകത്താളുകളിൽ
പോലുമിടമില്ലെന്ന് ഞാനിന്നറിയുന്നു..



6 comments:

  1. ഫെമിനിസ്റ്റെന്നും പറഞ്ഞൊരടി വരുന്നേനു മുന്നെ ഞാൻ ബ്ലോഗ് വിട്ട് എങ്ങട്ടോ പലായനം ചെയ്യുന്നു.. ഗൂഗളമ്മച്ചീ കണ്ട് പിടിക്കല്ല്!!

    ReplyDelete
  2. സംശയമില്ല, പെണ്ണിസ്റ്റു തന്നെ. സംഭവം നന്നായി സുചന്ദ്! ആദ്യവരിതന്നെ തകർപ്പൻ.

    ReplyDelete
  3. ഈ ചെക്കനും ഫെമിനിസ്റ്റായെ.. ആൾക്കാരു സുചന്ദിനെപ്പിടിച്ച് പെൻഡുലമാക്കാതെ നോക്കിക്കോ :D

    ReplyDelete
  4. ശ്രീ മാഷെ, ഞാനൊരു യീസ്റ്റും അല്ലെ..വെറും മനുഷ്യനായാ മതിയെ..

    ദുഷ്ട് ക്രിഷ് :(

    ReplyDelete
  5. നെറുകയിൽ നിങ്ങൾ ആശംസിച്ചൊരോ
    അരിമണിയും വെന്തചോറിന്റെ
    ശാപം പേറിയിരുന്നുവോ??
    :)

    ReplyDelete
  6. സതീശൻ, ഒരു ദുഖ സ്മൈലി(!!)ആയിരുന്നില്ലേ യോജിക്കുക!! വായനയ്ക്ക് നന്ദി..

    ReplyDelete

അഭിപ്രായങ്ങള്‍ക്ക് സ്വാഗതം.ദയവു ചെയ്ത് വ്യക്തിഹത്യ,തെറിവിളികൾ ഒഴിവാക്കുക.കമന്‍റ് രചയിതാക്കളുടെ സ്വന്തം അഭിപ്രായം മാത്രം!കമന്‍റിനു മുന്‍കൂര്‍ നന്ദി...

നിരീക്ഷിച്ചവര്‍